Natal
|
Bun Natal cun tüt ël cheur, care amise e cari amis,
sìa ‘n Natal pien ëd buneur,
sìa ‘n Natal pien ëd suris!
Ël buneur l’é na richëssa,
ma nen cula dij quatrin…
Ël buneur l’é na carëssa,
ël buneur sun dui basin!
Dësmentiuma, almen ancheuj
Che ‘nt ël mund a-i é dco ‘l mal,
dësmentiuma ij batibeuj…
Fuma festa! A l’é Natal!
E për l’ani ch’a vnirà
ël mè augür a l’é ch’a sìa
pien-a ‘d goj la vostra ca,
ëd salüte e d’alegrìa!
Ël Cap d’ani e dco ‘l Natal,
felu tüti an gran letissia!
Mi veuj feve ‘n cit regal…
Mac ün sul: la mia amicissia!
Domenico Caresio |
